Aklatan

AKLATAN

nabubuhay ako sa aklatan

ang daigdig kong kinamulatan

na punong-puno ng kasaysayan

panitikan yaring kinagisnan

butihing ina'y una kong guro

na marami sa aking tinuro

at nilakbay ko'y maraming dako

pati lungsod ng digma at guho

binasa'y sanaysay, kwento't tula

pati sulatin ng matatanda

binasa'y magagaling na akda

ng maraming awtor na dakila

salamat sa aklatang ang alay

ay dunong na aking nadidighay

may mga diyalektikong taglay

sa pagkatao'y nagpapahusay

- gregoriovbituinjr.

10.05.2022 

(World Teachers Day)