Ang tagawalis sa madawag na kalunsuran

ANG TAGAWALIS SA MADAWAG NA KALUNSURAN

madawag na kalunsuran ay gubat kung pansinin
tagawalis ng kalsada'y tunay na magigiting
maagang gigising upang gampanan ang gawain
at maagang papasok upang basura'y walisin

tila ba mga basura'y sugat na nagnanaknak
na dapat gamutin, ito ma'y gaano kapayak
dala ang karitong lagayan ng basura't layak
upang nalagas na dahon ay dito mailagak

maraming salamat sa tagalinis ng lansangan
tungkulin nila'y mahusay nilang ginagampanan
di man sapat ang sahod, danas man ay kagutuman
nariyan lagi silang nagsisilbi ng lubusan

pagpupugay sa mga nagwawalis sa kalsada
iyang pagpapakapagod ninyo sana'y magbunga
madawag na lungsod ngayon nga'y nakakahalina
dahil sa mata ng madla'y malinis na't maganda

- gregoriovbituinjr.

* litratong kuha ng makatang gala habang naglalakad kung saan-saan

Mga Komento

Mag-post ng isang Komento

Mga sikat na post sa blog na ito

Bukrebyu - Banaag at Sikat ni Lope K. Santos

Imahe
Bukrebyu: BANAAG AT SIKAT ni Lope K. Santos Maikling sanaysay ni Greg Bituin Jr. Nabili ko nitong Hulyo 26, 2019 ng hapon ang aklat na " Banaag at Sikat " ni Ka Lope K. Santos sa Popular Bookstore sa halagang P295.00. Ito ang ikalawa kong pagbili ng aklat na ito, pagkat naiwala ko o marahil ay nasa hiraman, na di ko na matandaan, ang una kong aklat na nabili ko noong Hulyo 4, 2008, sa halagang P250.00. (Natatandaan ko ang petsang iyon pagkat naisalaysay ko na ito sa isa pang artikulo.) Ang  Banaag at Sikat  ang kauna-unahang nobelang sosyalista sa ating bansa. Isinulat niya ito ng serye sa pahayagang Muling Pagsilang noong 1904-05 at nalathala naman bilang ganap na aklat noong 1906. Ayon kay LKS, "Ang unang pagkalimbag nitong Banaag at Sikat ay noong 1906. May dalawang taong sinulat ko araw-araw at inilathala sa pahayagang Muling Pagsilang, at nang matipon na at mabuo, ay ibinigay ko sa imprenta McCullough, at doon nga ginawa ang paglilimbag." Binub
Magbasa nang higit pa

Ano nga ba ang kahulugan ng salitang "tunód"?

Imahe
ANO NGA BA ANG KAHULUGAN NG "TUNÓD"? Maikling sanaysay ni Gregorio V. Bituin Jr. Naguluhan ako nang makita ko sa UP Diksyunaryong Filipino at sa English-Tagalog Dictionary ni L. English ang kahulugan ng salitang "tunód" na kaiba sa orihinal na pagbanggit dito sa isang katutubong tula o salawikaing malaon nang nalathala. Sa sanaysay na "Mga Diwa ng Salawikain" ni Virgilio S. Almario, na nalathala sa aklat na "Bakit Kailangan Natin si Pedro Bucaneg?" ay nalathala sa pahina 125 ang sumusunod na saknong: Pag di ka naglingón-likód Dito sa bayang marupok, Parang palasô at tunód Sa lupa ka mahuhulog. Ang saknong na ito ang Salawikain 105 sa saliksik ni Almario sa aklat ng isang Jose Batungbacal, ang 101 Selected Tagalog Proverbs and Maxims (1937): Dahil hindi ko maunawaan ang salitang "tunód" ay tiningnan ko agad iyon sa dalawang diksyunaryo. Ayon sa UP Diksiyonaryong Filipino, pahina 1289, ang kahulugan ng "tunód" ay: matulis at pah
Magbasa nang higit pa

Nagrambulan dahil sa kulangot

Imahe
kapansin-pansin ang balita sa Abante Tonite nasa headline pa, lalo na't may dating ang pamagat mga dayo'y nagrambulan nang dahil sa kulangot ito nga ba'y nakakatawa o nakakatakot? pinahiran ng kulangot ang Hapon sa comfort room ng isa sa suspek na Taiwanes na nakainom hanggang sa magkasagutan sa loob ng kubeta at sa paglabas, aba, sila'y nagkarambulan na nagkabatuhan ng bote dahil isa'y nambastos tila ba sa disiplina sila'y wala sa ayos ayon sa balita, ito'y naganap sa Maynila sa isang bar sa Ermita, dayo'y nagkasagupa parak ay dumating at agad na pinagdadampot silang mga nagpang-abot nang dahil sa kulangot - gregbituinjr. * batay sa isang ulat sa Abante Tonite, Agosto 13, 2019
Magbasa nang higit pa