Di mo magigiba ang diwa't prinsipyo ko, sinta

di mo magigiba ang diwa't prinsipyo ko, sinta
na inilaan ko laban sa mga palamara
aralin mo ang lipunan upang iyong makita
ang samutsaring isyu't problema ng uri't masa
kailangan ng bayan ng panlipunang hustisya

nagugumon sa mga pautot ang mga sakim
upang limpak-limpak na tubo'y kanilang makimkim
ang iskemang tokhang ay sadyang karima-rimarim
na sa puso ng bayan ay nagdudulot ng lagim
sa kahit tirik ang araw animo'y nasa dilim

diligin natin ng pagmamahal ang kalikasan
lalo't tayo'y pinatira lamang sa daigdigan
nais ba nating wasakin nila ang kapaligiran
tapon dito, tapon doon, tapon kung saan-saan
daigdig na tahanan ay ginawang basurahan

- gregbituinjr.