ANG TALIBA NG KPML
pahayagang Taliba
babasahin ng masa
nilalabanan nila
ang bulok na sistema
isyu't mga balita
hinggil sa maralita
ito'y nilalathala
para sa kapwa dukha
balitang demolisyon
ulat sa relokasyon
dukha'y ibinabangon
upang mag-rebolusyon
kapwa maralita ko
itaguyod ang dyaryo
Taliba'y kakampi nyo
sa samutsaring isyu!
ilathala ang tindig
tayo'y magkapitbisig
mapang-api'y mausig
at sila na'y malupig
dyaryong nanghihikayat
na tayo'y magsiwalat
mahirap ay imulat
laban sa tusong bundat
halina't suportahan
ang ating pahayagan
na adhikaing laman:
baguhin ang lipunan!
- gregbituinjr.
* nalathala sa pahayagang Taliba ng Maralita, publikasyon ng KPML (Kongreso ng Pagkakaisa ng Maralitang Lungsod), isyu ng Oktubre 1-15, 2019, p. 20
Mag-subscribe sa:
I-post ang Mga Komento (Atom)
Sa ika-16 na death monthsary ni misis
SA IKA-16 NA DEATH MONTHSARY NI MISIS Lagi kitang nasa alaala, O, aking sinta't tanging asawa! Itinutula ko'y pagmamahal. Tila ba ...
-
ANG AWITING "ISANG KAHIG, ISANG TUKA" Munting sanaysay ni Greg Bituin Jr. Inilarawan ng awiting "Isang Kahig, Isang Tu...
-
KUNG WALANG SAGOT, MALI BA ANG TANONG? Munting sanaysay ni Gregorio V. Bituin Jr. Sa Enero 14, 2024 isyu ng palaisipang Aritmetik sa pahayag... -
INEMURI sa atin, pag nahuling natutulog sa trabaho baka di lang sitahin, sibakin pa ang obrero kaya ka raw nasa trabaho'y upang magtraba...
Walang komento:
Mag-post ng isang Komento